De aad Prinse van Tegele zien vanaaf 1968 vereinig in
de Sociëteit Oeles Prinse, aafgekort SOP. De nestor van
D’n Oeles en de Sociëteit is mei-oprichter Wiel Poeth, jaorelangk veurzitter van Vg. D’n Oeles.
De Sociëteit haet as eur veurnaamste doel, um de veurmaligge Tegelse hoëghede vanaaf 1952 te vereinige en nag toet in lengkte van jaore direk of indirek mei te laote funksionere met de plaatselikke vastelaovend. Det wuert ouch ten ziërste gewaardeerd door ’t Oelesgezelsjap en de aad Prinse zelluf. Ein sjtök van eur identiteit as carnavalsheerser euver ’t Oelesriék blief zoë toet in lengkte van jaore bewaard.
Zoë gaon ouch de Vereinigde Oeles Adjudante, de VOA, door ’t laeve. Same met ’t Oelesgezelsjap, de Vrinde van ‘t Oelesriék en de VOA waere illik jaor ein aantal aktiviteite georganiseerd vur de veer gezelsjappe en vur de Tegelse gemeinsjap. De Sociëteit vergadert dreej kiër per jaor op informele wiéze; organiseert eine jaorlikse fietstoer vur de mannebroeders en geit al vuele jaore ’t twiëde wiekend van september nao de wiénfiëste in Linz am Rhein... en, wiénfiëste of neet... t’r wuert veurnamelik beer gedrônke.
‘t Besjteur van de SOP besjteit óet:
Maurice Houba (veurzitter)
Ronald Willemsen (penningmeister)
Theo Verheijen ( sikkertaris)
Sikkertariaat SOP: Heyskampsjtraot 33a, 5935 VD Sjteyl.
Tillefoon 077-3268071.
