Optoch Wagebouwers
..."Umdet Tegele ôs leef is" |
|
Via de veurzitter van de Optochkemissie,
Han Peters, is Vg. D’n Oeles vertaengewaordig binne ’t STBV – de Samewerkende Tegelse Bouwers Vereiniginge - hoë in de viéf groëte wagebouwers van Tegele zich vereinig hebbe, te weite: De Lapzjwens, De Zoezers, ’t Kretje en Sjlum Kièke.
Ut Inisjatief is ôntsjtaon in 1985. In daen tiéd ware ouch nag de Wakkere Makkers en d'n TAP nag van de partiej.
Vg. D’n Oeles drueg dit orgaan ein werrem hert toe umdet ’t STBV zich zelluf as doel haet gesjteld um minse te motivere um ouch aktief deil te nimme aan d’n Tegelsen optoch.
Binne dit orgaan wuert daorum ’t wel en wee van de ganse Tegelse vastelaovend, maar natuurlik op de iërste plaats d’n optoch naobespraoke en van dao óet waere veursjtelle gedaon aan D’n Oeles um zake te verbaetere.
Ouch wissele de leeje van ’t STBV ônger ein kennis – en natuurlik plezeer – óet euver ’t bouwe van wages en ’t make van kleijer vur d’n optoch. Nieje wagebouwers kenne door ’t STBV met wiéze raod en praktise höllup ware ôngersjteund.
Vanaaf 1986 organiseert ’t STBV ’t ôngertösse neet miër weg te dinke Bouwersbal op vriédaag vur de vastelaovend. ’t Bal det genne ingkele vastelaovesvierder óet Tegele maag misse.
De veurzitter van ’t STBV is Frank Schreurs.
